धुळे जिल्ह्यात काल रात्री विजांचा कडकडाट आणि वादळी वार्यासह मुसळधार पाऊस पडला. चिमठाणे तसेच दुसाने मंडळातल्या दराणे, दुसाने, एैंचाळे, हत्ती, चिमठाणे इत्यादी गावांना ढगफुटीसारख्या पावसानं मोठा तडाखा दिला. दराणे, रोहाणे गावातून वाहणार्या पाटली नाल्याला मोठा पूर आला. काठावरची शेती तसंच शेतकर्यांच्या घरादारांमध्ये, खळ्यांमध्ये गोठ्यांमध्ये पाणी शिरले, गुरं-ढोरं वाहून गेली. काही ठिकाणी शेतात पेरणी केलेले बियाणं वाहून गेलं आहे. अनेक ठिकाणी घरे कोसळली.
आज सकाळी काँग्रेसचे जिल्हाध्यक्ष शाम सनेर या गावांमध्ये जावून पाहणी केली. शेतकर्यांना धीर देत, नागरिकांना शासनाकडून योग्य ती मदत तत्काळ मिळावी यासाठी प्रयत्न करण्याचं आश्वासन त्यांनी दिलं.
