फूटबॉलमधे हरियाणा, ओदिशा, पश्चिम बंगाल आणि दिल्लीने आपापल्या गटात विजयी सलामी दिली आहे. गट अ मधे हरियाणाने तामिळनाडूला ७-० अशा मोठ्या फरकाने हरवलं. तर ओदिशाने सिक्कीमवर ५-१ अशी मात केली. गट ब मधे पश्चिम बंगालने यजमना उत्तराखंडला २-० नं हरवत स्पर्धेत आगेकूच केली आहे. या सामन्यात पश्चिम बंगालने सुरुवातीपासूनच उत्तराखंडवर वर्चस्व राखलं. गट ब मधल्या दुसऱ्या सामन्यात दिल्लीच्या संघाने मणिपूरला २-१ ने नमवत स्पर्धेत शानदार सुरुवात केली आहे.