भारत WTSA24 अर्थात जागतिक दूरसंचार प्रमाणीकरण संघटनेसोबत यंदा सप्टेंबरमध्ये 5G, 6G आणि उदयोन्मुख तंत्रज्ञानावर आधारित हॅकाथॉन स्पर्धेचं आयोजन करणार आहे. या उपक्रमाचा उद्देश नवोन्मेषक, आघाडीचे उद्योजक आणि शिक्षणतज्ञांना एकत्र आणून भविष्यातील दूरसंचार तंत्रज्ञानाचा शोध घेणं आहे. हॅकाथॉन दूरसंचार क्षेत्रातील अत्याधुनिक नवकल्पना केंद्र म्हणून काम करेल.

या उपक्रमात 5G आणि 6G सारख्या प्रगत तंत्रज्ञानावर लक्ष केंद्रित केलं असून यात सहभागी होणार्‍या उद्योग, शैक्षणिक आणि स्टार्टअप क्षेत्रातील संस्था आपलं अग्रगण्य तंत्रज्ञान प्रदर्शित करतील. दिल्ली, हैदराबाद आणि बेंगळुरू इथल्या 5G प्रयोगशाळांमध्ये आयोजित करण्यात येणाऱ्या 30 तासांच्या कार्यक्रमा दरम्यान, स्पर्धेतील सहभागी आपल्या नवकल्पना विकसित करण्यासाठी आपलं योगदान देणार आहेत.