जिनिव्हा इथं आजपासून सुरु होणाऱ्या आंतर संसदीय संघाच्या एकशे एकोणपन्नासाव्या बैठकीला लोकसभेचे सभापती ओम बिर्ला भारतीय प्रतिनिधीमंडळाचं नेतृत्व करणार आहेत. ही बैठक येत्या १७ तारखेपर्यंत असून शांततापूर्ण आणि शाश्वत भविष्यासाठी विज्ञान, तंत्रज्ञान आणि नवोन्मेषाचा वापर ही या बैठकीची संकल्पना आहे.

ओम बिर्ला, कार्यकारी मंडळाच्या बैठकीला उपस्थित राहणार असून याव्यतिरिक्त जिनिव्हा मधल्या भारतीय समुदायाशी देखील संवाद साधणार आहेत. तसंच यानिमित्तानं विविध देशांच्या संसद प्रतिनिधींसह चर्चा करणार आहेत. भारताच्या प्रतिनिधिमंडळात राज्यसभेचे उपाध्यक्ष हरिवंश सिंग, दोन्ही सभागृहांचे सरचिटणीस आणि इतर संसद सदस्यांचा समावेश आहे. यामध्ये १८० संसद सदस्य आणि १८ सहयोगी सदस्य आहेत.