चालू आर्थिक वर्षाच्या पहिल्या तिमाहीत, देशाचा प्रत्यक्ष जीडीपी अर्थात स्थूल राष्ट्रीय उत्पादन वाढीचा अनुमानित दर ६ पूर्णांक ६ दशांश टक्के आहे. राष्ट्रीय सांख्यिकी कार्यालयानं आज जाहीर केलेल्या अहवालात हे अनुमान दिलं आहे. चलनफुगवटा विचारात न घेता, मोजलेला नॉमिनल जीडीपी वाढीचा दर या तिमाहीत ९ पूर्णांक ७ दशांश टक्के राहिला. तर एकूण मूल्यवर्धन या तिमाहीत ६ पूर्णांक ८ दशांश टक्क्यांनी वाढलं.