चीनच्या शॅडोन्ग परगण्यातल्या हेझ शहरात झालेल्या जोरदार वादळामुळे पाचजण मृत्युमुखी पडले तर ८८ जण जखमी झाले. डोन्गमिन्ग आणि ज्युआनचेंग या भागांना वादळाचा तडाखा बसल्याचं स्थानिक प्रशासनानं सांगितलं. यात २ हजार ८२० घरांची पडझड झाली तर ४ हजार ६० हेक्टर पिकं आणि ४८ वीजपुरवठा केंद्राचं नुकसान झालं. नुकसानीच्या सर्वेक्षणासाठी कृती दलाची स्थापना केल्याची माहिती प्रशासनानं दिली आहे. रस्ते वाहतूक आणि संपर्कव्यवस्था प्रामुख्याने पूर्वपदावर आणल्याचं त्यांनी कळवलं आहे.