कुशल कारागीर आणि फेरीवाल्यांसाठी तयार करण्यात आलेल्या पंतप्रधान स्वनिधी, पीएम विश्वकर्मा आणि जन समर्थ पोर्टल यांसारख्या आर्थिक समावेशनाच्या योजनांसाठी खाजगी क्षेत्रातील बँकांनी अधिकाधिक कर्जवाटप करण्याचं आवाहन वित्त मंत्रालयानं केलं आहे. खाजगी क्षेत्रातील बँकांच्या उच्च अधिकाऱ्यांसोबत काल आर्थिक सेवा विभागाचे सचिव विवेक जोशी यांनी रोजगाराभिमुख योजनांच्या प्रगतीबाबत आढावा बैठक घेतली. यावेळी जन समर्थ पोर्टलच्या वैशिष्ट्यांवर त्यांनी भर दिला.