महिला सक्षमीकरणासाठी सरकार सातत्यानं प्रयत्नशील असून त्यामुळे महिलांना स्वाभिमानानं जगणं शक्य होईल असं केंद्रीय अर्थमंत्री निर्मला सीतारामन यांनी म्हटलं आहे. तमिळनाडूत कोईमतूर इथं एका कल्याणकारी योजनेअंतर्गत गरजू महिलांना शिवण यंत्रांचं वाटप केल्यानंतर त्या बोलत होत्या. प्रधानमंत्री जीवन ज्योती योजनेचा लाभ दोन लाखाहून जास्त महिलांनी घेतला असल्याचं त्या म्हणाल्या.