राज्यस्तरीय पातळीवर लोकसभा आणि विधानसभा निवडणुकीत उत्तम कामगिरी करणाऱ्या जिल्हाधिकाऱ्यांना पुरस्कार जाहीर झाले आहेत. उत्कृष्ट निवडणूक अधिकारी, उत्कृष्ट निवडणूक निर्णय अधिकारी, टपाली मतदानासाठी उत्कृष्ट नियोजन, उत्कृष्ट मतदार सुविधा अशा विविध श्रेणींतर्गत हे पुरस्कार जाहीर झाले आहेत. लोकसभा निवडणुकीसाठी नंदूरबार, लातूर, अकोला, गडचिरोली, हातकणंगले, मुंबई उत्तर पूर्वच्या  निवडणूक निर्णय अधिकाऱ्यांना पुरस्कार जाहीर झालेत. विधानसभेसाठी नवापूर, करवीर, पालघर, सिल्लोड, मलकापूर, ब्रह्मपुरी मतदारसंघाच्या निवडणूक निर्णय अधिकाऱ्यांना गौरवलं जाणार आहे. टपाली मत पत्रिकेच्या उत्कृष्ट देवाणघेवाणीसाठी छत्रपती संभाजीनगरचे विभागीय आयुक्त आणि जिल्हाधिकाऱ्यांचा सत्कार होईल.