राष्ट्रपती द्रौपदी मुर्मू यांनी छटपूजेनिमित्त नागरिकांना शुभेच्छा दिल्या आहेत. छटपूजा हा देशातल्या सर्वांत प्राचीन सणांपैकी एक असून, सूर्याचं पूजन करण्याची ती संधी आहे असं त्यांनी समाजमाध्यमांवरच्या संदेशात म्हटलं आहे.
हा सण नद्या आणि तलावांबाबत कृतज्ञता व्यक्त करतो आणि उपवासाच्या माध्यमातून मन आणि आत्मा शुद्ध करतो असंही त्यांनी म्हटलं आहे. हा सण पर्यावरणाचं रक्षण करण्याचीही प्रेरणा देतो, असंही त्यांनी नमूद केलं आहे.