देशात खरीप पिकांच्या पेरणीत यंदा लक्षणीय प्रगती दिसून येत आहे. आतापर्यंत १० कोटी ३१ लाख हेक्टरपेक्षा जास्त क्षेत्रावर पेरणी झाली आहे. त्यापैकी ३ कोटी ६९ लाख हेक्टरपेक्षा जास्त क्षेत्रावर भात, तर १ कोटी ८१ लाख हेक्टरपेक्षा जास्त क्षेत्रावर तृणधान्यांची पेरणी झाली आहे. १ कोटी १३ लाख ७० हजार हेक्टरपेक्षा जास्त क्षेत्रावर कडधान्य, तर १ कोटी ८६ लाख ८० हजार हेक्टर क्षेत्रावर गळीत पिकांची पेरणी झाली असल्याचं केंद्रीय कृषी आणि शेतकरी कल्याण विभागानं आज प्रसिद्ध केलेल्या अहवालात म्हटलं आहे.