पंजाब हरयाणा आणि राजस्थानमध्ये येते दोन ते तीन दिवस दाट ते अतिदाट धुक्याचा अंदाज भारतीय हवामान विभागाने वर्तवला आहे. या भागात तसंच चंदीगढमध्येही थंडीची लाट असेल. हिमाचल, उत्तरप्रदेश, आसाम, मेघालय, नागालँड, मणीपूर, मिझोराम आणि त्रिपुरामध्येही रात्री उशीरा ते पहाटेपर्यंत धुके असेल. येत्या तीनचार दिवस उत्तर प्रदेशात किमान तापमान चार ते सहा अंश सेल्सिअसने तर पंजाब ,हरयाणा, दिल्ली, राजस्थानमध्ये ते तीन ते चार अंश सेल्सिअसने घसरण्याची शक्यता आहे. पश्चिम हिमालय प्रदेशात बर्फवृष्टीची शक्यता आहे.