महिलांच्या आशियाई करंडक हॉकी स्पर्धेत भारतानं तीन वेळच्या विजेत्या दक्षिण कोरियाचा ३-२ असा पराभव केला. बिहारमधे राजगीर इथं हा सामना झाला. भारतातर्फे संगीता कुमारीनं तिसऱ्याच मिनिटाला पहिला गोल केला. दिपीका सेहरावतनं दोन गोल केले.
भारतानं काल मलेशियावर ४-० नं मात करत विजयी सलामी दिली. सलग दोन विजयांमुळे भारत गुणतालिकेत चीनच्या पाठोपाठ दुसऱ्या स्थानावर आहे. दोन्ही संघांचे प्रत्येकी सहा गुण आहेत. मात्र २० गोल केल्यामुळे चीन अग्रस्थानी आहे.