लष्करी शाळांमध्ये मुलींना प्रवेश देण्याचा निर्णय हा गेम चेंजर अर्थात मोठं परिवर्तन करणारा आहे, असं उपराष्ट्रपती जगदीप धनखड यांनी या निर्णयाचं वर्णन करताना म्हटलं आहे. लैंगिक समानता आणि लैंगिक न्यायातली महत्त्वपूर्ण प्रगती दर्शवणारं हे पाऊल असल्याचं त्यांनी सांगितलं. भविष्यातल्या आव्हानांचा सामना करण्यासाठी आणि जागतिक कल्याणासाठी योगदान द्यायला छात्रसैनिक तयार आहेत, असं आज उत्तराखंडमधल्या डेहराडून इथं RIMC अर्थात राष्ट्रीय भारतीय लष्करी महाविद्यालयातल्या छात्रसैनिकांना संबोधित करताना, ते म्हणाले.