सक्तवसूली संचालनालयानं इंदोर आणि उज्जैनमध्ये क्रिकेट सट्टेबाजांच्या विविध ठिकाणी काल छापे टाकले. मनी लॉन्ड्रींगच्या आरोपावरून हे छापे मुख्यतः आंतरराष्ट्रीय स्तरावर टेनिस आणि क्रिकेटमध्ये सट्टेबाजी करणाऱ्या पियुष चोपडाशी संबंधित विविध ठिकाणांवर टाकण्यात आले. एका संकेतस्थळाच्या माध्यमातून सट्टेबाजी चालवली जात असून यात पैशांची देवाणघेवाण हवालाद्वारे केली जात असल्याची माहिती सक्तवसूली संचालनालयाला मिळाल्यानंतर ही कारवाई करण्यात आली.