काँग्रेसने कर्नाटक आणि तेलंगणा राज्यात दिलेल्या गॅरंटी लागू केलेल्या आहेत. मात्र भाजपाने जाणीवपूर्वक त्या गॅरंटी लागू केलेल्या नाही अशा जाहिराती वृत्तपत्रात प्रसिद्ध केल्या आहेत. याबाबतीत काँग्रेसच्या शिष्टमंडळाने आज राज्याच्या मुख्य निवडणूक अधिकाऱ्यांची भेट घेऊन भाजपा विरोधात लेखी तक्रार केली. निवडणूक आयोग काँग्रेसच्या तक्रारीची दखल घेऊन भाजपावर तात्काळ कारवाई करेल अशी अपेक्षा आहे असं अखिल भारतीय काँग्रेस समितीच्या मीडिया आणि प्रसिद्धी विभागाचे चेअरमन पवन खेरा यांनी प्रसारमाध्यमांना सांगितलं.