देशातल्या सर्व राज्यांच्या राज्यपालांची परिषद येत्या २ आणि ३ ऑगस्ट रोजी नवी दिल्लीत राष्ट्रपती द्रौपदी मुर्मू यांच्या अध्यक्षतेखाली होणार आहे. नुकतेच लागू झालेल्या फौजदारी कायद्यांची अंमलबजावणी, उच्च शिक्षणात सुधारणा आणि विद्यापीठांची मान्यता, आदिवासी क्षेत्र तसंच आकांक्षित जिल्हे आणि तालुक्यातल्या विकासकामांमधे राज्यपालांची भूमिका या विषयाच्या अनुषंगाने या परिषदेत चर्चा होईल.