नागपुरातल्या मेयो तसंच मेडिकलमधल्या विविध विकास कामांचा आढावा मुख्यमंत्री देवेंद्र फडनवीस यांनी आज घेतला. इथल्या वैद्यकीय सेवासुविधा वाढविण्यासाठी सुमारे एक हजार कोटी रुपये निधी उपलब्ध करून दिला आहे. ही कामे दिलेल्या कालमर्यादेत पूर्ण करावीत, असे निर्देश त्यांनी दिले. किती कामं पूर्ण झाली याचा आढावा एप्रिल महिन्यात पुन्हा घेणार  असल्याचंही त्यांनी सांगितलं.