छत्तीसगढमध्ये नक्षलग्रस्त भागात झालेल्या दोन वेगवेगळ्या चकमकींमधे ३० माओवादी ठार झाले, तर जिल्हा राखीव दलाच्या एका जवानाला वीरमरण आलं. बिजापूर आणि दंतेवाडा जिल्ह्यांच्या सीमाभागात माओवादी लपले असल्याची माहिती मिळाल्यानं सुरक्षा दलांची संयुक्त पथकं शोधमोहीम राबवत होती. त्यावेळी गंगलूर भागात ही चकमक उडाली. या चकमकीत २६ नक्षली दहशतवादी ठार झाले. या ठिकाणी शस्त्रास्त्र आणि स्फोटकांचा मोठा साठा सापडला आहे. या मोहिमेत सुरक्षा दलाचा एक जवान शहीद झाला. दुसऱ्या घटनेत, कांकेर जिल्ह्यात सुरक्षा दलं आणि माओवाद्यांमधे झालेल्या चकमकीत ४ माओवादी ठार झाले.