बुलढाणा जिल्ह्याच्या शेगाव तालुक्यात पूर्णा नदीकाठच्या विविध गावांमध्ये केस गळतीचे प्रमाण अचानक मोठ्या प्रमाणावर वाढलं असल्याबाबत आरोग्य विभागाने त्वचारोग तज्ज्ञांच्या माध्यमातून सर्वेक्षण सुरू केलं आहे. आतापर्यंत ५१ नागरिकांचे डोक्यावरचे केस पूर्णपणे गळून गेल्याचं आढळलं असून रुग्णांचे नमुने प्रयोगशाळेत पाठविले आहेत. वापरात आलेल्या पाण्यामध्ये अचानक नायट्रेटचं प्रमाण अधिक असल्यामुळे केस गळतीचं प्रमाण वाढल्याचं एका निष्कर्षातून समोर आल्याचे आमच्या वार्ताहरानं कळवलं आहे.