बृहन्मुंबई महानगरपालिकेने मालमत्ता कर संकलनाच्या बाबतीत यंदा विक्रमी कामगिरी केली आहे. आर्थिक वर्ष २०२४-२५ साठी निर्धारित करण्यात आलेल्या ६ हजार २०० कोटी रुपयांच्या उद्दिष्टाच्या तुलनेत महानगरपालिकेने ६ हजार १९८ कोटी ५ लाख रुपये इतकं मालमत्ता कर संकलन केले आहे. हे प्रमाण एकूण उद्दिष्टाच्या ९९ पूर्णांक ९७ शतांश टक्के आहे. सोबतच, अतिरिक्त दंडाच्या स्वरुपात १७८ कोटी ५० हजार रुपयेही संकलित करण्यात आले आहेत.