बांग्लादेशच्या प्रधानमंत्री शेख हसिना आजपासून दोन दिवसाच्या भारत दौऱ्यावर येत आहेत. राष्ट्रपति द्रौपदी मुर्मू, उपराष्ट्रपती जगदीप धनखड यांची त्या भेट घेणार असून, प्रधानमंत्री नरेंद्र मोदी यांच्यासमवेत त्यांची द्विपक्षीय बैठक होईल. शेख हसीना परराष्ट्र व्यवहार मंत्री एस. जयशंकर यांची देखील भेट घेणार आहेत.
नवीन सरकार स्थापन झाल्यानंतर प्रथमच परदेशाच्या प्रधानमंत्री द्विपक्षीय चर्चेसाठी भारतात येत आहेत. प्रधानमंत्री नरेंद्र मोदी आणि नवनिर्वाचित केंद्रीय मंत्रिमंडळाच्या शपथविधीसाठीदेखील शेख हसीना यांना आमंत्रित करण्यात आलं होतं