बीड विधानसभा मतदारसंघातले अपक्ष उमेदवार बाळासाहेब शिंदे यांचं आज दुपारी हृदयविकाराच्या धक्क्याने निधन झालं.
सातारा जिल्ह्यात खंडाळा तालुक्यात एका मतदाराचा मतदान करताना हृदयविकाराच्या धक्क्याने मृत्यू झाला. तसंच डांगेघर मतदान केंद्रावर निवडणूक अधिकाऱ्याला हृदयविकाराचा झटका आला.
बीड जिल्ह्यात परळी मतदारसंघातल्या एका मतदान केंद्रावर कर्तव्यावर असलेल्या निवडणूक अधिकाऱ्याला हृदयविकाराचा सौम्य झटका आला. शहरातल्या एका रुग्णालयात त्यांच्यावर उपचार करण्यात आले. उपचारानंतर त्यांना घरी पाठवण्यात आल्याचं निवडणूक विभागाच्या वतीने सांगण्यात आलं.