राज्य विधानसभा निवडणूक निकालानंतर काल हिंगोलीत शिवसेना आणि भाजपा कार्यकर्त्यांमध्ये वाद होऊन गोळीबार झाल्याचं वृत्त आहे. काल दुपारी दोन वाजण्याच्या सुमाराला झालेल्या या घटनेत पाच जण जखमी झाले. या गोळीबारात संतोष बांगर यांच्या पुतण्याला गोळी लागल्याची माहिती आहे. त्याला हैदराबाद इथल्या रुग्णालयात दाखल करण्यात आलं आहे. या प्रकरणी हिंगोली पोलीस ठाण्यात ६० ते ७० जणांवर गुन्हा दाखल करण्यात आला आहे.