राज्यातल्या सर्व पालकमंत्र्यांची नावं मुख्यमंत्री देवेंद्र फडणवीस यांनी काल जाहीर केली. मुख्यमंत्री फडणवीस यांनी स्वतःकडे गडचिरोली जिल्ह्याच्या पालकमंत्रीपदाची जबाबदारी ठेवली आहे. उपमुख्यमंत्री एकनाथ शिंदे यांच्याकडे ठाणे आणि मुंबई शहर जिल्ह्याच्या पालकमंत्रीपदाची जबाबदारी देण्यात आली आहे.
उपमुख्यमंत्री अजित पवार हे पुणे आणि बीड जिल्ह्याचे पालकमंत्री म्हणून काम पाहतील. मुंबई उपनगरच्या पालकमंत्रीपदी आशीष शेलार यांची नियुक्ती करण्यात आली असून चंद्रशेखऱ बावनकुळे यांना नागपूर आणि अमरावतीचे पालकमंत्री म्हणून जबाबदारी दिली आहे.
राधाकृष्ण विखे पाटील यांना अहिल्यानगर, चंद्रकांत पाटील यांना सांगली, हसन मुश्रिफ यांना वाशिम, गणेश नाईक – पालघर, गिरीश महाजन – नाशिक, उदय सामंत – रत्नागिरी, पंकजा मुंडे – जालना, अदिती तटकरे – रायगड, नरहरी झिरवाळ – हिंगोली, पंकज भोयर – वर्धा, संजय शिरसाट यांना छत्रपती संभाजीनगर जिल्ह्याचे पालकमंत्री म्हणून नियुक्त केलं आहे.
सह पालकमंत्री हे पद पहिल्यांदाच निर्माण करण्यात आलं असून गडचिरोलीचे पालकमंत्री म्हणून आशीष जयस्वाल आणि मुंबई उपनगरचे पालकमंत्री म्हणून मंगलप्रभात लोढा काम पाहतील.