भारताला सर्व क्षेत्रात सर्वोत्तम बनवणं हे प्रधानमंत्री नरेंद्र मोदी यांचं लक्ष्य असून हे एनडीच सरकारचं करु शकतं असं केंद्रिय मंत्री अमित शहा यांनी सांगली इथं प्रचारसभेत म्हटलं आहे.
त्यासाठी महायुतीच्या उमेदवारांना मतदान करण्याचं आवाहन त्यांनी केलं. महाविकास आघाडीनं बंद केलेल्या योजना पुन्हा सुरु केल्या जातील, असं सांगून त्यांनी उद्धव ठाकरे आणि शरद पवार यांच्यावर टीका केली. वसंतदादा पाटील आणि राजारामबापू पाटील यांच्या स्मृतींना त्यांनी वंदन केलं.