डाउनलोड करा
मोबाइल ॲप

android apple
signal

आकाशवाणी भवन इथं ‘हर कंठ में भारत’ हा विशेष शास्त्रीय संगीत कार्यक्रम सुरू

सांस्कृतिक मंत्रालयानं आकाशवाणीच्या सहकार्यानं आज नवी दिल्लीतल्या आकाशवाणी भवन इथं ‘हर कंठ में भारत’ हा विशेष शास्त्रीय संगीत कार्यक्रम सुरू केला. हा कार्यक्रम आजपासून १६ फेब्रुवारीपर्यंत दररोज २१ आकाशवाणी केंद्रांवरून सकाळी साडेनऊ ते साडेदहा पर्यंत थेट प्रक्षेपित केला जाईल. सांस्कृतिक मंत्रालयाचे सचिव अरुणिश चावला आणि प्रसार भारतीचे मुख्य कार्यकारी अधिकारी गौरव द्विवेदी यांनी या कार्यक्रमाचं उद्घाटन केलं. आकाशवाणीच्या महासंचालक डॉ. प्रज्ञा पालीवाल गौर याही यावेळी उपस्थित होत्या.

 

‘हर कंठ में भारत’ हा उपक्रम युवा कलाकारांना त्यांची प्रतिभा राष्ट्रासमोर सादर करण्यासाठी एक व्यासपीठ प्रदान करेल, असं सांस्कृतिक मंत्रालयाचे सचिव अरुणिश चावला यांनी आकाशवाणीशी विशेष संवाद साधताना सांगितलं. या कार्यक्रमात शास्त्रीय, आणि लोक संगीताच्या सर्व प्रकारांचा समावेश  असेल, अशी माहिती त्यांनी दिली. सांस्कृतिक मंत्रालयाचा हा एक अनोखा उपक्रम असून त्यामुळे केवळ कलाकारांनाच नव्हे, तर आकाशवाणीलाही तिचा श्रोतृवर्ग वाढवण्यासाठी सहाय्यभूत ठरेल, असं आकाशवाणीच्या महासंचालक डॉ. पालिवाल यांनी म्हटलं आहे.

सर्वाधिक वाचले

सर्व पहा