पुण्यातल्या अंमली पदार्थ प्रकरणात आतापर्यंत ९ जणांवर गुन्हा दाखल झाला असून ८ जणांना अटक करण्यात आली आहे. अंमली पदार्थांचं सेवन करणाऱ्या मुलांचा पुणे पोलिस शोध घेत आहे. याप्रकरणी हलगर्जीपणा आणि लक्ष ठेवण्यात दिरंगाई केली म्हणून दोन अधिकारी आणि दोन अमलदारांचं निलंबन केल्याची माहिती पोलिस उपायुक्त संदीप गिल यांनी दिली आहे. सीसीटीव्ही चित्रण पाहून तपासणी केली जाणार असल्याचं ते म्हणाले.