बाबा सिद्दीकी हत्या प्रकरणात पोलिसांनी आतापर्यंत ९ जणांना अटक केली आहे. याप्रकरणी पोलिसांनी बाबा सिद्दीकी यांच्या सुरक्षारक्षकाला निलंबित केलं आहे. सुरक्षेसाठी तैनात असतांनाही त्याने हल्लेखोरांवर गोळीबार न करुन कर्तव्यात कसुर केल्याबद्दल कॉन्टेबल शाम सोनवणे याला निलंबित करण्यात आलं आहे. हल्लेखोरांनी मिरची पावडरच्या स्प्रेचा व धुराचा वापर केल्यामुळे गोळीबार करता न आल्याचं त्याने आपल्या जबानीत म्हटलं आहे. या हत्याप्रकरणाची सखोल चौकशी करण्याची मागणी बाबा सिद्दीकी यांचा मुलगा आमदार जीशान सिद्दीकी यांनी केली आहे.