केदारनाथ पायी मार्गावर दरड कोसळल्यामुळे ३ भाविकांचा मृत्यू झाला तर ५ भाविक जखमी झाले आहेत. केदारनाथ यात्रा मार्गावर चिरबासाजवळच्या डोंगरावरून मोठे दगड आल्यानं काही यात्रेकरू ढिगाऱ्याखाली अडकल्याची माहिती जिल्हा आपत्ती व्यवस्थापन अधिकारी नंदन सिंह राजवार यांनी दिली. एनडीआरएफ, डीडीआर, वायएमएफचे पथकाकडून बचावकार्य सुरू आहे. उत्तराखंडचे मुख्यमंत्री पुष्कर धामी यांनी या दुर्घटनेत झालेल्या मृत्यूबद्दल तीव्र दु:ख व्यक्त केलं आहे. आपण अधिकाऱ्यांच्या सतत संपर्कात असल्याचं ते म्हणाले.