कोल्हापूर इथं आगीत नष्ट झालेल्या केशवराव भोसले नाट्यगृहाची मुख्यमंत्री एकनाथ शिंदे यांनी काल पाहणी केली. हे नाट्यगृह वर्षभरात पुन्हा उभारण्याची ग्वाही देताना त्यांनी त्यासाठी २५ कोटींचा आराखडा केला असल्याचं पाहणीनंतर पत्रकार परिषदेत सांगितलं. आगीच्या घटनेची चौकशी करण्यासाठी उच्चस्तरी समिती नियुक्त केली आहे. समितीचा अहवाल आणि तपासाअंती नेमकं काय झालं ते निष्पन्न होईल, निष्काळजीपणा केला असेल त्यांच्यावर कारवाई केली जाईल, असंही मुख्यमंत्री शिंदे यांनी सांगितलं.