चित्रपटाच्या माध्यमातून देशाची समृद्ध परंपरा देशातल्या नागरिकांपर्यंत पोहोचत असल्याचं प्रतिपादन केंद्रीय माहिती प्रसारण सचिव संजय जाजू यांनी केलं आहे. छत्रपती संभाजीनगरमध्ये १०व्या अजिंठा-वेरुळ आंतरराष्ट्रीय चित्रपट महोत्सवात ते बोलत होते. देशाच्या कानाकोपऱ्यात चित्रपट महोत्सवांची वाढती संख्या, चित्रपट, संगीत, नाटक आणि नृत्य याविषयी लोकांना असलेली रुची दाखवून देत असल्याचं त्यांनी सांगितलं.