लंडन इथं सुरू असलेल्या विम्बल्डन टेनिस स्पर्धेत भारताचा रोहन बोपण्णा आणि त्याचा ऑस्ट्रेलियन सहकारी मॅथ्यू एबडेन यांचा सामना आज संध्याकाळी जिओव्हानी मपेत्शी पेरिकार्ड आणि ॲड्रिन मॅनरिनो यांच्याशी होणार आहे. तसंच, भारताच्या सुमित नागल आणि सर्बियाचा दुसान लाजोविच यांची लढत देखील आज संध्याकाळी पेद्रो मार्टिनेझ आणि जॉमे मुनार या स्पॅनिश जोडीशी होणार आहे.
विम्बल्डन स्पर्धेतल्या याआधीच्या सामन्यात पुरुष एकेरीच्या पहिल्या फेरीत द्वितीय मानांकित नोव्हाक जोकोविचने चेक प्रजासत्ताकच्या विट कोप्रिव्हा याचा ६-३, ६-२, ६-२ असा सरळ सेटमध्ये पराभव केला. दुसऱ्या फेरीत त्याचा सामना जेकब फर्नलीशी होणार आहे.