भारत आणि दक्षिण आफ्रिकेच्या महिला क्रिकेट संघांदरम्यान खेळल्या जाणाऱ्या ३ टी-२० सामन्यांपैकी पहिला सामना आज खेळाला जाणार आहे. चेन्नईतल्या चिदंबरम स्टेडिअमवर आज संध्याकाळी ७ वाजता हे दोन संघ एकमेकांना भिडणार आहेत.

भारताच्या दौऱ्यावर आलेल्या दक्षिण आफ्रिकेच्या संघाला आतापर्यंत एकही सामना जिंकता आलेला नाही. हरमनप्रीत कौर हिच्या नेतृत्वात भारतीय महिलांनी पाहुण्या संघाला एकदिवसीय सामन्यांच्या मालिकेत ३-० नं पराभूत केलं होतं, तर दोन्ही संघात खेळल्या गेलेल्या एकमेव कसोटी सामन्यात भारतानं १० गडी राखून पाहुण्या संघाला धूळ चारली होती.