परराष्ट्र व्यवहार सचिव विक्रम मिस्त्री आणि भूतानचे परराष्ट्र व्यवहार सचिव आउम पेमा छोद्जोन यांच्या सहअध्यक्षतेखाली तिसरी भारत-भूतान विकास सहकार्य चर्चा आज भूतानमध्ये झाली. या बैठकीत १३ व्या पंचवार्षिक योजना कालावधी अंतर्गत विकास भागीदारीची विविध क्षेत्रे, त्यातलं सहकार्य आणि कार्यान्वयनाचे मार्ग, याबाबत चर्चा झाली. परराष्ट्र व्यवहार सचिव विक्रम मिस्त्री दोन दिवसाच्या भूतान दौऱ्यावर असून काल त्यांनी भूतानचे प्रधानमंत्री त्शेरिंग तोबगे यांची भेट घेतली.