परतावा मिळवण्यासाठी ग्राहकांना त्यांच्या पसंतीचे पर्याय उपलब्ध करून द्यावेत असे निर्देश केंद्रीय ग्राहक संरक्षण प्राधिकरणानं ओला या परिवहन कंपनीला दिले आहेत. परताव्याचे पैसे थेट बँक खात्यात पैसे जमा करण्याची  किंवा कुपनद्वारे परतावा मिळवण्याची सुविधा ग्राहकांना उपलब्ध करून द्यावी, असं प्राधिकरणानं तक्रार निवारण प्रक्रियेदरम्यान सांगितलं आहे. व्यवहारात पारदर्शकता यावी या उद्देशानं, बुकिंग करून ओला द्वारे प्रवास करणाऱ्यांना पावती देण्याचे निर्देशही प्राधिकरणानं दिले आहेत.