कुणबी नोंदी न आढळलेल्या मराठा समाजातल्या कुटुंबांसाठी अधिकच्या नोंदी मिळवण्याचा निर्णय सरकारने घेतला असून हैदराबाद गॅझेटमधल्या नोंदी मिळवण्यासाठी अधिकाऱ्यांचं एक पथक हैदराबादला पाठवल्याची माहिती मराठा आरक्षण मंत्री उपसमितीचे सदस्य शंभुराज देसाई यांनी दिली.
मराठा समाज आरक्षणासंबंधी शंभुराज देसाई यांच्या अध्यक्षतेखाली झालेल्या बैठकीत ते बोलत होते. या पथकाने तपासलेल्या कागदपत्रांची मागणी शासनाने विहीत शुल्क भरून केली आहे, या कागदपत्रांच्या सत्यप्रती तातडीने उपलब्ध करून कागदपत्रांची पडताळणी पूर्ण करावी, असे निर्देश देसाई यांनी दिले. तसंच सगे-सोयरे तरतुदीबाबत कागदपत्रांची तपासणी करण्यात यावी, न्यायमूर्ती शिंदे समितीला पुन्हा मुदतवाढ देण्याची कार्यवाही करण्यात यावी, अशा सूचनाही देसाई यांनी दिल्या.