अर्थमंत्री निर्मला सीतारामन यांनी तामिळनाडूतील विषारी दारु दुर्घटनेवरून काँग्रेसवर जोरदार टीका केली आहे. त्या म्हणाल्या की या दुर्घटनेत 56 लोकांचा मृत्यू झाला आहे आणि 200 हून अधिक लोक अजूनही गंभीर अवस्थेत रुग्णालयात आहेत, परंतु काँग्रेसने याविरोधात एक शब्दही उच्चारला नाही. काँग्रेसचे ज्येष्ठ नेते कुठे आहेत? असा प्रश्न करुन त्यांनी या संपूर्ण प्रकरणाचा तपास सीबीआयकडे देण्याची मागणी केली.