विवादास्पद भू-प्रदेशाच्या दाव्यावरून सुदान आणि दक्षिण सुदानच्या नागरिकांमध्ये झालेल्या संघर्षात काल किमान ३२ जण मृत्युमुखी पडले असून अन्य २० जण जखमी झाले आहेत. दक्षिण सुदानच्या दोन खेड्यां मधल्या नागरी वस्तीवर बंदूकधारी व्यक्तींनी हल्ला केल्याची माहिती स्थानिक सूत्रांनी दिली.  गेल्या मार्च महिन्यात दक्षिण सुदाननं या विवादित प्रदेशात सैन्य तैनात केल्यापासून जातीय दंगे ऊसळले आहेत. गेल्या एप्रिल महिन्यात सुरु झालेल्या या वादामुळे ९ हजारांहून अधिक लोकांचा बळी गेला असून  लाखो सुदानी नागरिक विस्थापित झाले असल्याचं राष्ट्रसंघानं म्हटलं आहे.