बाजारपेठेत साखरेची साठेबाजी थांबवण्याच्या दृष्टीनं साखरेच्या आपल्याकडच्या साठ्याची माहिती दर आठवड्याला प्रसिद्ध करण्याचे आदेश केंद्रसरकारनं काल साखरेचे व्यापारी, घाऊक आणि किरकोळ विक्रेत्यांना दिले. Esugar.nic.inया संकेतस्थळावर त्यांना ही माहिती दर सोमवारी द्यावी लागणार आहे. साखरेच्या बाजारपेठेत संतुलन राखण्याच्या दिशेनं सरकारनं उचललेल्या अनेक पावलांपैकी हे एक पाऊल असल्याचं प्रतिपादन ग्राहक कल्याण, अन्न आणि सार्वजनिक पुरवठा मंत्रालयानं काल केलं. साखरेची साठेबाजी थांबवून सर्वांना परवडण्याजोग्या किंमतीत साखर उपलब्ध करून देण्याचं सरकारचं उद्दिष्ट असल्याचं मंत्रालयानं सांगितलं.