सिंधुदुर्ग जिल्ह्यातल्या मोरयाचा धोंडा परिसराचा जीर्णोद्धार करण्याच काम राज्य शासनाच्या मदतीनं  भारतीय नौदलानं  हाती घेतलं  आहे. या प्रकल्पाचं  भूमिपूजन येत्या  शनिवारी  २५ तारखेला   जिल्ह्याचे पालकमंत्री रवींद्र चव्हाण यांच्या हस्ते होणार आहे. सिंधुदुर्ग किल्ल्याचं  साडेतीनशे वर्षांपूर्वी  छत्रपती शिवाजी महाराजांनी  'मोरयाचा धोंडा' अर्थात मुहूर्ताचा दगड या  ठिकाणी भूमिपूजन केलं होतं. 

मालवण समुद्र किनाऱ्यावर उभारल्या जाणाऱ्या  या वास्तूत छत्रपतींच्या विविध आठवणींबरोबरच किल्ले सिंधुदुर्ग निर्माण होत असतानाच्या अनेक संस्मरणीय नोंदी तसंच  नौदलाचा इतिहास सांगणारं  संग्रहालय उभं  करण्यात येणार आहे. यामुळे मालवणच्या  पर्यटनाला हातभार लागण्याबरोबरच ऐतिहासिक दस्त ऐवज  एक नवी वास्तू समाविष्ट होईल.