वैज्ञानिकांनी समुद्रयानद्वारे मानव आणि मानवरहित मोहिमेद्वारे समुद्राखाली सात हजार मीटरपर्यंत पोचण्याचा प्रयत्न केला आहे,असं केंद्रीय समुद्री तंत्रज्ञान मंत्री किरेन रिजिजू यांनी म्हटलं आहे. ते आज चेन्नईमध्ये माध्यमांशी बोलत होते.एकूण स्थूल राष्ट्रीय उत्पादनात ब्लू इकॉनॉमीचं योगदान येत्या काही वर्षांत सुधारेल, असा विश्वास रिजीजू यांनी व्यक्त केला. विविध क्षेत्रातील भारताच्या कामगिरीचा संदर्भ देत ते म्हणाले की, महासागर तंत्रज्ञान आणि हवामान संशोधनातले शास्त्रज्ञ आणि संशोधकांनी प्रशंसनीय कार्य केलं आहे. पर्यावरणाच्या रक्षणासाठी सर्व उपाययोजना केल्या जातील आणि संशोधन प्रकल्प शाश्वत पद्धतीनं राबवले जातील. २०४७ मध्ये भारत प्रत्येक बाबतीत विकसित राष्ट्र असेल असं त्यांनी सांगितलं. तत्पूर्वी, महासागर तंत्रज्ञान आणि पृथ्वी विज्ञान मंत्रालयाच्या विविध विभागांनी हाती घेतलेल्या प्रकल्पांचा आढावा त्यांनी घेतला.