रेल्वे अपघातानंतर दिल्या जाणाऱ्या आर्थिक मदतीत रेल्वेने 10 पट वाढ केली आहे. रेल्वे अपघातात मृत्यू झाल्यास पूर्वी 50 हजार रुपये दिले जायचे. त्याऐवजी आता 5 लाख रुपये दिले जातील. जखमींना दिली जाणारी 25 हजारांची मदत वाढवून अडीच लाख रुपये करण्यात आली आहे. किरकोळ जखमींना आता 5 हजारांऐवजी 50 हजार रुपयांचा मोबदला मिळेल.

मदतीच्या रकमेशिवाय अपघातानंतर प्रवाशांचा रुग्णालयाचा खर्चही रेल्वे उचलणार आहे. मानवरहित रेल्वे फाटकावर अपघात झालेल्यांना, विनापरवानगी आत घुसलेल्यांना आणि रेल्वेच्या वरच्या तारांना स्पर्श झाल्याने मृत्यूमुखी पडलेल्यांना कोणतीही अनुग्रह रक्कम दिली जाणार नाही, असे या परिपत्रकात स्पष्ट करण्यात आले आहे.