रेल्वेच्या प्रवासी विभागानं जानेवारीपर्यंत महसुलात ७३ टक्क्यांची वाढ नोंदवली आहे. रेल्वेची  एप्रिल ते जानेवारी २०२३ या कालावधीत प्रवासी विभागातील एकूण कमाई ५४ हजार ७३३ कोटी रुपये आहे.

मागील वर्षी याच कालावधीत ६ हजार १८१ लाख प्रवाशांच्या तुलनेत याच कालावधीत एकूण अंदाजे ६ हजार ५९० लाख प्रवाशांनी आरक्षण केलं असल्याचं रेल्वे मंत्रालयानं सांगितलं.

अनारक्षित प्रवासी विभागाचे उत्पन्न ११  हजार ७८८ कोटी रुपयांपेक्षा जास्त आहे,  जे गेल्या वर्षीच्या २ हजार ५५५ कोटी रुपयांच्या तुलनेत ३६१ टक्क्यांनी वाढलं असल्याचं मंत्रालयानं सांगितलं.