राज्यात कोविड १९च्या रुग्णसंख्येत लक्षणीय घट झाली असून उपचाराधीन रुग्णांची संख्या ६०० च्या खाली आली आहे. आज राज्यात ५२ नव्या रुग्णांची नोंद झाली, तर १०९ रुग्ण बरे होऊन घरी गेले. आज कोरोनामुळे एकाही रुग्णाच्या मृत्यूची नोंद झालेली नाही. 

राज्यात आतापर्यंत ८१ लाख ३५ हजार ४५० जणांना कोरोनाची लागण झाली. त्यापैकी आतापर्यंत ७९ लाख ८६ हजार ४८९ रुग्ण कोरोनामुक्त झाले तर १ लाख ४८ हजार ४०४ रुग्ण दगावले. सध्या राज्यात ५५७ रुग्णांवर उपचार सुरू आहे. त्यापैकी सर्वाधिक २२५ रुग्ण पुण्यात तर ८७ रुग्ण ठाण्यात आहेत. मुंबईत ८२ रूग्ण आहेत. राज्यात रुग्ण बरे होण्याचा दर ९८ पूर्णांक १७ शतांश टक्के तर मृत्यू दर १ पूर्णांक ८२ शतांश टक्के आहे.