राज्यातल्या बाल सुधारगृहांमध्ये कौशल्यपूर्ण प्रशिक्षण केंद्र सुरू करणार असल्याची माहिती महिला आणि बालविकास मंत्री मंगलप्रभात लोढा यांनी दिली. डोंगरी इथल्या चिल्ड्रन एड सोसायटीमध्ये कौशल्य विकास केंद्राच्या उद्घाटनप्रसंगी ते बोलत होते.

चिल्ड्रन एड सोसायटीच्या मानखुर्द येथील बालगृहामध्ये फॅशन डिझायनिंग, फ्रेम डिझाईनिंग, संगणकाचे कौशल्यपूर्ण शिक्षण विद्यार्थ्यांना दिले जाणार आहे. तर डोंगरीच्या निरीक्षण गृह येथे टाटा मोटर्सच्या माध्यमातून ३ महिन्यांचा प्रशिक्षण वर्ग सुरू करण्यात आला आहे.  यामध्ये मोबाईल दुरुस्ती, दुचाकी आणि इलेक्ट्रिकचे प्रशिक्षण दिले जाणार असल्याची माहिती त्यांनी यावेळी दिली.

मानखुर्द आणि डोंगरी येथील बालकांचा कल लक्षात घेवून तसेच त्यांना समुपदेशनच्या माध्यमातून कौशल्य विकास व्हावा यासाठी भव्यता फाऊंडेशनच्या वतीनं समुपदेशन वर्ग सुरू करणार असल्याचं भव्यता फाउंडेशनचे संस्थापक मणियार यांनी सांगितलं.