चंद्रपूर जिल्ह्यात गेल्या काही दिवसात दडी मारलेल्या पावसाचं चंद्रपूर शहरासह जिल्ह्याच्या बहुतांश भागात पुनरागमन झालं आहे.वाशिम जिल्ह्यांत वाशिम, कारंजा, मालेगांव, रिसोड आणि मंगरूळपीर तालुक्यात बहुतांश ठिकाणी जोरदार पाऊस झाला आहे. बीड शहरासह जिल्ह्यात अनेक ठिकाणी आज जोरदार पाऊस पडला. सोलापूर जिल्ह्यात सांगोल्यासह इतर तालुक्यात आज सायंकाळी सर्वत्र दमदार पाऊस झाला. सिंधुदुर्ग जिल्ह्यात मंगळवारपासून पावसाचा जोर वाढला आहे. हा पाऊस भातशेतीसाठी दिलासादायक असल्यान शेतकरी सुखावला आहे; तर दुसरीकडे पावसामुळे गणेशभक्तांच्या आनंदावर मात्र विरजण पडलं आहे.