मौलाना आझाद आर्थिक विकास महामंडळाच्या भाग भांडवलात वाढ करून ते सातशे कोटी रुपयांवरून एक हजार कोटी रुपयांपर्यंत नेण्यात येईल, असं उपमुख्यमंत्री अजित पवार यांनी सांगितलं आहे. मंत्रालयात या संदर्भात झालेल्या बैठकीत पवार यांनी, महामंडळाची कर्ज हमी पाचशे कोटी रुपयांपर्यंत नेण्यात येईल, असंही सांगितलं. महाज्योती, सारथी, बार्टी यासारख्या संस्थांसंदर्भात मुख्य सचिवांच्या अध्यक्षतेखालील समितीच्या शिफारशी, या महामंडळालाही लागू करणं, आणि पाच टक्के शैक्षणिक आरक्षणाच्या अंमलबजावणीबाबत, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी चर्चा करुन निर्णय घेतला जाईल, असं पवार यांनी सांगितलं.