अकृषी विद्यापीठ आणि महाविद्यालयीन शिक्षकेत्तर कर्मचाऱ्यांच्या परीक्षेच्या कामकाजावरील बहिष्काराच्या आंदोलनामुळे मुंबई विद्यापीठाच्या उद्या पासूनच्या सर्व परीक्षा स्थगित करण्यात आल्या आहेत. स्थगित केलेल्या सर्व परीक्षेचे सुधारित वेळापत्रक विद्यापीठाच्या संकेतस्थळावर प्रदर्शित करण्यात येईल, असे विद्यापीठाचे परीक्षा आणि  मूल्यमापन मंडळाचे संचालक डॉ. प्रसाद कारंडे यांनी सांगितले.

विविध विद्याशाखेच्या पदवी व पदव्युत्तर अभ्यासक्रमाच्या परीक्षा विविध केंद्रावर सुरू आहेत. आज  मुंबई विद्यापीठाच्या १० परीक्षा सुरळीत पार पडल्या आहेत असं विद्यापीठं स्पष्ट केलं आहे. संत गाडगे बाबा अमरावती विद्यापीठानंही उद्या आणि परवाच्या सर्व विषयांच्या परीक्षा रद्द केल्या आहे. रद्द करण्यात आलेल्या परीक्षांचे वेळापत्रक यथावकाश जाहीर करण्यात येईल, असं  परीक्षा व मूल्यमापन मंडळानं  कळवले आहे.