मराठवाडा मुक्तिसंग्रामाच्या अमृत महोत्सवी वर्षानिमित्त औरंगाबाद शहरात मध्यवर्ती ठिकाणी भव्य स्मृती स्मारक उभारण्यात येणार असल्याचं, पालकमंत्री संदिपान भुमरे यांनी सांगितलं आहे. औरंगाबाद इथं मराठवाडा मुक्तीसंग्राम अमृत महोत्सवी वर्षानिमित्त मंत्रीमंडळ उप समितीच्या बैठकीत ते काल बोलत होते. अंदाजे शंभर कोटी रूपये खर्चून उभारण्यात येणाऱ्या या स्मारकाचं काम दोन वर्षात पूर्ण होईल, असं त्यांनी सांगितलं. यामध्ये सांस्कृतिक सभागृह, प्रदर्शन हॉल, ग्रामीण कला, मराठवाडा मुक्ती संग्रामातल्या आठवणी, इतिहास, ग्रंथालय यासह सर्वच सुविधा असतील, अशी माहिती त्यांनी दिली.